Благословен Бог наш: Трисвятое. По Отче наш: Яко Твое есть Царство:
Посем с предстоящими поет или чтет тропари сия:
Со духи праведных скончавшихся душу раба Твоего, Спасе, упокой, сохраняя ю во блаженной жизни, я же у Тебе, Человеколюбче.
В покоищи Твоем, Господи: идеже вси святии Твои упокоеваются, упокой и душу раба Твоего, яко Един еси Человеколюбец.
Слава: Ты еси Бог, сошедый во ад и узы окованных разрешивый, Сам и душу раба Твоего упокой.
И ныне: Едина Чистая и Непорочная Дево, Бога без семене рождшая, моли спастися души его.
По сих же иерей глаголет ектению сию:
Помилуй нас, Боже, по велицей милости Твоей, молим Ти ся, услыши и помилуй.
Господи, помилуй .
Господи, помилуй .
Господи, помилуй .
Еще молимся об упокоении души усопшаго раба Божия Мистера Кроу, и о еже проститися ему всякому прегрешению, вольному же и невольному.
Господи, помилуй .
Господи, помилуй .
Господи, помилуй .
Яко да Господь Бог учинит душу его, идеже праведнии упокоеваются.
Господи, помилуй .
Господи, помилуй .
Господи, помилуй .
Милости Божия, Царства Небеснаго и оставления грехов его у Христа Безсмертнаго Царя и Бога нашего просим.
Подай, Господи.
Господу помолимся.
Господи, помилуй.
Боже духов и всякия плоти, смерть поправый, и диавола упразднивый, и живот миру Твоему даровавый, Сам, Господи, упокой душу усопшаго раба Твоего Мистера Кроу в месте светле, в месте злачне, в месте покойне, отнюдуже отбеже болезнь, печаль и воздыхание; всякое согрешение, содеянное им словом, или делом, или помышлением, яко Благий Человеколюбец Бог, прости: яко несть человек, иже жив будет и не согрешит. Ты бо Един кроме греха, правда Твоя, правда во веки, и слово Твое истина.
Яко Ты еси Воскресение и Живот, и Покой усопшаго раба Твоего Мистера Кроу, Христе Боже наш, и Тебе славу возсылаем, со Безначальным Твоим Отцем, и Пресвятым, и Благим, и Животворящим Твоим Духом, ныне и присно и во веки веков.
Сообщение от S.M.G.H.
